Biskup sé maður fastheldinn við hið áreiðanlega orð.

Agnes telur það stóran áfanga fyrir kirkjuna að nú muni kona gegna embætti biskups.. Hvers vegna spyr ég? Stór áfangi í hvaða máli? skiptir að kona gegni þessu embætti frekar en Karl? Það er eins og kirkjan sé í stríði við Guð sjálfan. Er tilgangur kirkjunnar ekki skýr frá upphafi, þ.e. að breiða út fagnaðarboðskapinn um Jesú Krist, að allir menn komist til iðrunnar og þekkingar á Sannleikanum.

Agnesar fyrsta verk er að tala við fólkið og hlusta á það...þetta voru fyrstu mistök Adams og Evu, að hlusta á hið skapaða í stað Skaparans, eins leitaði Pílatus ráða varðandi Jesú og Barrabas hjá óstöðugum fjöldanum um hvað gera ætti.

Er ekki réttara að leita Hans vilja, álits og ráðs og hvað Hann hefur til málanna að leggja fyrst áður enn annað er leitað? Nei, það virðist ekki skipta máli hvað Guði finnst eða hvað Heilög Ritning kennir. " Mér finnst " og " ég tel " guðfræðin ræður. En Biskup á að vera " maður " fastheldinn við hið áreiðanlega orð, hann á líka að vera einkvæntur..Kirkjan á að snúast um Guð en ekki kirkjan um fólkið.

Hins vegar er ekki rangt að hlusta á hróp fólksins, jafnvel má heyra röddu Guðs af munni fallins manns og ráð Hans finna af tungu hinna snauðu og vesælu. " en leitið fyrst ríkis Hans og réttlætis, þá mun allt annað veitast yður að auki."

„Stór áfangi fyrir kirkjuna“

Biskup sé fastheldinn við hið áreiðanlega orð

Það er dapurlegt hvað framboð til Biskups er pólítískur valda slagur. Sá sem sækist eftir Biskupsstarfi girnist fagurt hlutverk, sagði Páll Postuli. Þó svo Biblían kveði skýrt á um hvernig Biskup eigi að vera virðist það suma engu skipta innan kirkjunnar. Orð Ritningarinnar vega lítið sem ekkert hjá frambjóðendum, heldur að aðlaga kirkjuna að breyttu samfélagi. Samfélag sem eltir öfga-isma og annarlegar stefnur prédikaðar í háskólanum, vill eitt í dag og annað á morgun, stefnulaust og villuráfandi í afstöðu sinni til flestra mála. Slíkt samfélag á ekki að móta Kirkju Krists heldur Orð Guðs.

Því segir Heilög Ritning að Biskup eigi að vera maður fastheldinn við hið áreiðanlega orð. Hann á að standa vörð um hina heilnæmu kenningu. Páll Postuli sagði að " þann tíma mun bera að menn þola ekki lengur hina heilnæmu kenningu heldur hópa þeir að sé kennurum eftir eigin fýsnum, til að heyra það sem kitlar eyrun. " Kirkjan á að boða mönnum iðrun, afturhvarf frá syndum og kenna þeim að halda ALLT það sem Kristur Jesús kenndi. Kirkjan á að snúast um Guð, en ekki manninn.

Biskup sé maður fastheldinn við hið áreiðanlega orð.

Í trúarjátningu þjóðkirkjunnar er kristaltært að Guð er skapari himins og jarðar, að Jesús sé getinn af Heilögum Anda, fæddur af mey og muni koma til að dæma lifendur og dauða. Þetta er samkvæmt hinu áreiðanlega orði sem aldrei fellur úr gildi. Þó í gegnum tíðina hafi ýmsir ismar og annarlegar stefnur risið gegn Kristinni trú og boðað þegnum ríkisins að enginn sé Guð hafa þeir fallið, en Orð Drottins staðið stöðugt. Menn og konur vilja breyta Ritnigunum að samfélaginu fremur enn að samfélagið breytist að Ritnigunni, þeir vilja fá syndir sínar viðurkenndar í stað þess að viðurkenna syndir sínar. Undir því stjórnarfari sem nú er á Íslandi er guðleysinu brautin rudd og jarðvegur fyrir illgresið til að festa rætur hér í samfélaginu, jafnvel krikjan er villt í afstöðu sinni á stöðu Jesú Krists og Heilagrar Ritningar.

Fyrrverandi biskupsritari og núverandi prestur, Baldur Kristjánsson og Sigríður Guðmarsdóttir sem bíður sig fram til biskups geta ekki talist hæf í embættum sínum né heiðarleg þegar þau játa trú sína í messu. Fyrrum ritari biskups skrifar " við erum of vel lesin til að trúa Biblíunni bókstaflega, að Guð hafi skapað heiminn á sex dögum, Heilagur Andi hafi eignast barn með Maríu mey og þeir sem ekki játast Kristi verði kastað í eldinn. " Sigríður tekur í sama falska streng og lastmælir grundvelli Kristinnar trúar.

Að Guð sé ekki skaparinn, að heilagur getnaður sé skáldskapur, að Jesús sé ekki af meyju fæddur og Hann dæmi ekki með réttlæti er alger afneitun á grundvallar kenningu Kristinnar trúar. Orð Ritningarinnar eru fótum troðin og von hins kristna manns um eilíft líf að engu gerð. Þá er boðskapur jólanna fánýtur, söngur um signaða mær sem ól Guðs son ekkert nema tómir tónar og við aumkunnarverðastir allra manna. Guð hjálpi okkur!

Slæmt siðferði rót vandans

Rannveig Rist er með þetta algerlega á hreinu. Einnig er einkennilegt að ekki hafi verið fjallað meira um þessar stórfenglegu fræmkvæmdir í Straumsvík. Það hentar kannski ekki á RÚV að hampa jákvæðni þegar álver er annars vegar?

Slæmt siðferði rót vandans

ISG, ESB og Assad

Ætli Assad hafi leitað á náðir ISG varðandi ráðleggingar hvernig þagga ber niður í uppreisnarmönnum... Kannski að The Guardian hafi í fórum sínum tölvupósta frá ISG, þar sem hún lýsir hvaða ofbeldisfullum aðferðum ESB klíkan á Íslandi beitir til að draga móðinn úr andstæðingum ESB.  

Tölvupóstar Assads birtir

Inn eða út úr skápnum

Einkennilegir þættir á MBL sjónvarp kallast " út úr skápnum. " Skil ekki af hverju einn sérréttindahópur er kallaður út úr skápnum til að segja reynslusögur sínar um hversu erfitt var að komast út úr skápnum og fá viðurkenningu hneigða sinna í samfélaginu. Maðurinn hneigist af ýmsu, réttu og röngu, góðu og slæmu og til eru hneigðir sem ekki þola ljósið. Til eru hneigðir sem menn glíma við inní lokuðum skápum sínum og voga sér ekki út úr skápnum í ótta við að fá ekki hneigðir sínar viðurkenndar. Sagt er að einhver sé bókhneigður. En hvernig bók hneigist hann? Til eru andstyggilegar og skaðlegar bókmenntir sem næra hneigðir hugspilltra manna inní lokuðum skápum og þeir hætta sér ekki út úr skápnum því samfélagið hafnar þeim. En eigum við von á því að þeir fái skilning einn daginn og geti komið út úr skápnum og fengið samþykki almennings fyrir afbrigðilegar hneigðir sínar, þó svo í dag það virðist vera útilokað? En hneigist nú maður að Heilagri Ritningu og lætur orð hennar sig varða og skipta máli kemur út úr "skápnum" og vitnar í orð hennar og um trú sína er hann ofsóttur og hrakyrtur, talinn hættulegur og fær lítinn sem engan skilning frá samfélaginu. Í gegnum aldirnar hafa Biblíuhneigðir einstaklingar verið hataðir og smánaðir fyrir það eitt að trúa orðum Ritningarinnar. En það hefur ekki haldið þeim inní skápnum, því fullvissan og sannfæringin er slík að hún þarfnat ekki viðurkenningar almennings til að lifa, heldur að komast út úr skápnum og vtina um lífið svo fleiri megi lifa.

Engan ætti að undra

Og Samfylkingin fylgir fast á eftir VG. Þeir sem gusu þessi ósköp yfir vora þjóð hljóta að hafa misst svefn síðustu misseri, enda er þetta það allra versta sem íslenskur almenningur hefur þurft að þola af stjórnvöldum. Margir góðir og dagfastprúðir menn sem aldrei áður höfðu kosið stjórnaflokkana voru blekktir og töldu að Steini og Hanna væru góðhjartað fólk sem ætlaði að búa til nýtt Ísland. Nei þau höfðu eitt markmið og það var að koma Sjálfstæðisflokknum frá og kannski ágætt því nú hefur hið rétta eðli þeirrar gjörspilltu og rangsnúnu humyndarfræði vinstristjórnar opinberað sig, svo að aftur fækkar í hópi þeirra sem hana kjósa. Já ef ekki væri fyrir gamlan Framsóknarmann á Bessastöðum, hagsmunasamtök og inngrip Hæstaréttar hvar væri Ísland þá?

Fylgi VG ekki minna síðan 2003

Þarf þá þingið að biðjast afsökunnar eins og kirkjan?

Það hlýtur eiginlega að vera að Alþingi verði að biðjast afsökunnar á gjörðum Jóns Baldvins og þá væntanlega Jóhanna Sigurðardóttir að segja af sér, sé  borið saman við mál Ólafs Skúlasonar og kirkjunnar. Spurning hvort að ráðherrar, þingmenn og samflokksmenn Jóns hafi vitað hvað var seyði?

Baðst afsökunar fyrir 12 árum

Áramótaskaupið

Segir skoðannakönnunin meira til um ástand þjóðarinnar en um skaupið sjálft?

Flestir ánægðir með Skaupið

Auglýsing illskunnar

Afskaplega ljót og ósmekkleg er auglýsing Páls Óskars, en þar auglýsir hann sína óheillasömu Hrekkjavökuhátíð. Því miður er sá vondi siður að festa rætur sínar í íslensku samfélagi að halda þessa hátíð myrkurs og ófriðar hátíðlega. Eflaust margir telja þessa hátíð harmlaust gaman, en svo er nú ekki. Saga hrekkjavökunnar er vægast sagt ógeðfelld. Mannfórnir og meyja nauðganir, galdranornir og uppvakningar og samfélag illra anda er meðal þess hryllings sem hátíðin er byggð á. Dýrkun á sköpunununni í stað Skaparans Eina. Rótin er vond og þá er og líka tréð vont og ber ekki góðan ávöxt. Ekkert fallegt er við þessa hátíð, ljótleikin og verk myrkursins eru hafin upp til hæða og illskan lofuð. Þessu gerir " diskódrottnigin og barmastjarnan góðan róm. Honum hefur löngum tekist að ganga fram af fólki með öfuguggahætti á annari svo mjög ósiðlegri hátíð og nú bætir hann gráu ofan á svart með Hrekkjavökunni.