Færsluflokkur: Trúmál og siðferði

.....og Guð blessaði ísland

Orð Geirs H. Haarde fyrrum forsætisráðherra í Oktober 2008 " Guð blessi Ísland " áttu eftir að hafa meiri áhrif en fólk gerði ráð fyrir. Geir sagði nákvæmlega hið eina rétta í vonlausu ástandi, sýndi auðmýkt og lítilæti er hann varpaði áhyggjum sínum í hendur þess sem stýrir vorsins veldi og bað landi og þjóð Guðs blessunnar.

Margir höfðu að háði og varð bæn Geirs marg endurtekin á vörum fólks í miður góðum tilgangi. En Guð notar flónsku mannsins og svaraði bæninni, og hafa nú villuráfandi stjórnmálamenn og háðfuglar hlotið kinnroða. Jú Icesave bölvunin sem hvíldi yfir þjóðinni eins og myrkraský hefur snúist uppí mikla blessun fyrir alla þjóðina, líka þá sem hæddu og gerðu grín. Því Guð lætur rigna yfir réttláta sem rangláta. Og meira en það. Geir eftir að hafa verið hæddur og hrakinn frá störfum og leiddur fyrir Landsdóm fyrir tilstilli vafasamra stjórnmálamanna, stendur uppi sem sigurvegari með snilldar snarræði neyðarlaganna.

Þegar synir Jakobs seldu bróður sinn Jósefs í þrældóm til Egyptalands, sneri Guð því til blessunnar fyrir alla þjóðina og bræður Jósefs nutu einnig blessunnar Guðs, hlutu miskunn og komust undan dómi. Já Guð lætur ekki að sér hæða.


Jafnaðarmannaflokkur Garðshólma?

Dæmigert fyrir Jóhönnu og hennar hugmyndir. Samfylkingin í Jafnaðarmannaflokk er síðasta tilraun Jóhönnu til að blekkja kjósendur til að halda að SF hafi áhuga á jöfnuði. Þetta er gamalt pólitískt bragð, og gert til að breiða yfir skömmina sem SF skilur eftir sig og reyna að fela slóðina. Eins og þegar landnámsmenn til forna breyttu Garðshólma í Ísland til að villa menn af leið. SF vill breyta öllu nema hegðun sinni. Stjórnarskránni, fullveldinu, fiskveðistjórnunarkerfinu og gagnkynhneigðum í samkynhneigða osfrv...Ef eitthvað gengur eins og önd, hljómar eins og önd og hagar sér eins og önd hljótum við að kalla það önd..
mbl.is Jóhanna vill breyta nafni Samfylkingar
Tilkynna um óviðeigandi tengingu við frétt

Hvað eru mannréttindi?

Mannréttindi, havð er nú það? Evrópa hefur verið og er heimkynni mannréttindabrota í margar aldir. Með réttindum fyrir einn er brotið á öðrum. Hver ákveður hvað eru mannréttindi og á hverju byggja menn þau? Það sem í dag þykja réttindi gætu verið óréttur á morgun. Ef húsið er ekki byggt á Bjargi aldanna reisa menn það til ónýtis.
mbl.is Bannað að mismuna samkynhneigðum í krafti trúfrelsis
Tilkynna um óviðeigandi tengingu við frétt

Hamsturinn og ríkisstjórnin.

Það kvað við mikinn harmagrát á heimilinu nýverið þegar heimilisdýrið og hamsturinn Snorri dó. Börnin voru harmi slegin og ósátt við gang lífsins. Eftir langa sorgarstund og tregafullan grát þar sem við foreldranir reyndum við erfiðar kringumstæður að útskýra hvers vegna þetta bæri að sagð sá yngsti 7 ára bóginn af gráti. " Þetta er hræðileg ríkisstjórn, maður má ekki einu sinni eiga dýr í friði. " og svo læra börnin sem fyrir þeim er haft.

Samfylkingin öfug-snúin

Hvernig er hægt að vera á móti? Svona er allt hjá SF. Ekki gagnrýndi hún Kirkjuna þegar fólk af sama kyni fékk að ganga í hjónaband, en þegar hjálpa á okkur öllum og þá sérstaklega þeim sem á þurfa á því að halda er SF öfug-snúin eins og t.d. varðandi skuldavanda heimilana, Icesave, ESB osfrv....Ég fagna þessu framtaki hjá Herra Biskupi og því að Kirkjan taki þátt í þörfum sem þessum. Kirkjan hefur í gegnum aldirnar verið landi og þjóð mikil blessun með aðkomu sinni að ýmsum málefnum líðandi stundar.
mbl.is Gagnrýnir gagnrýni á Þjóðkirkjuna
Tilkynna um óviðeigandi tengingu við frétt

Gleðilega Kristsmessu.

Fagna og þakka á þessum degi vegna komu Guðssonarins í heiminn. Hann er hin sanna gjöf. Bið Guð að gefa ykkur gleðilega Kristsmessu .

Hlusta þá Arabarnir?

Hvernig getur ríki sem ekki er til orðið áheyrnaríki? Hvenær hafa Arabarnir hlustað á aðra? Hvað fá þeir næst? " eins og gert var fyrir Ísrael. " Að reyna líkja þessu tvennu saman heimkomu Ísrael 1947 og fæðingu Palestínu er hreint með ólíkindum, nákvæmlega ekkert sameiginlegt. Heimsku tal heimskra manna.
mbl.is Palestína verður áheyrnarríki
Tilkynna um óviðeigandi tengingu við frétt

Vinátta vinstrimanna

Merkilegt hvað íslenskir vinstrimenn hafa átt vingott við marga af verstu iillmennum okkar tíma. Mér er minnistætt sem barn að heyra frá opinberri heimsókn Hr. Ólafs Ragnars Grímssonar, Guðrúnu Helgadóttur og Svavars Gestssonar til brjálæðings í Rúmeníu, forsetans Ceaucescu. Þau dásömuðu hann og gott ástandið sem var á þeim bænum er heim var komið, en annað kom í ljós. Ceaucescu þessi var einnig kær vinur manns nokkurs sem sveik alþjóða samninga eins og að drekka vatn og lagði lag sitt við hryðjuverkamenn og misnotaði unga drengi. Vinskapur brjálæða forsetans og Arafats var ógeðfelldur eftir lýsingum Ioan Popescu í bókinni Blóðugur Blekkingaleikur. Spillingin og viðurstyggðin náði engum takmörkum. Arafat þessi kyssti svo Steingrím Hermansson þann ágæta mann eftir allt sukkið. Góði Steingrímur var nú reyndar Frammari eins og jú Olafur og Steingrímur vondi voru í upphafi...svo má nú ekki gleyma Trotskíistanum sem er í Seðlabankanum og vel menntaður í Mao kverinu. Ingibjörg Sólrún gerði eins og Arafat og sveik Geir með kossi á þingvöllum lét sér ekkert muna um að fara og heilsa uppá Asaad í Sýrlandi og drekka te í boði fjöldamorðingjans. Svo kostaði hún þjóðina hundruði milljóna við að komast inní örryggisráð SÞ á sama tíma og hún mótmælti aðgerðum NATO í Írak. Eftir blaðamennsku sína hjá Þjóðviljanum og heilsubótagöngu til Keflavíkur fór Össur sömu leið með viðkomu hjá Hamas og lýsti yfir stuðningi við fullveldi Palestínu í nafni Íslands á sama tíma og hann vill selja fullveldi Íslands til ESB styrktaraðila Hamas. Aðdáun vinstrimanna á Sovéskum stjórnarháttum fór ekki framhjá neinum hér áður né heldur andstað þeirra á hersetu Bandaríkjamanna á röltinu til Keflavíkur. Ísland úr NATO og inní ESB.. hvað er að frétta??? .Þeir sem nú sitja við völd á Íslandi fengu flestir innblástur við lesningu Rauða kversins og Stalínskri aðferðafræði við störf á Þjóðviljanum.
Guð blessi Ísland.

Enn Hamas-t Össur

Tveggja ríkja lausn fyrir Araba sem vilja útrýmingu annars ríkisins. Óðsmanns æði að ætla hrydjuverkamönnum sæti innan SÞ. Össur hefur engan samkennd með Gyðingum en styður Hamas...Ég sem íslendimgur er ekki með í þessu ráðabruggi ráðherrans.
mbl.is Ísland meðflytjandi tillögu um Palestínu
Tilkynna um óviðeigandi tengingu við frétt

Næsta síða »

Um bloggið

Óskar Sigurðsson

Höfundur

Óskar Sigurðsson
Óskar Sigurðsson

Óskar Sigurðsson er fæddur í Vestmannaeyjum 23.júlí 1971. Ég er búsettur í Vestmannaeyjum ásamt eiginkonu minni Gunnlaugu R Sigurðardóttur og börnunum Benjamín Elí, Sigurbjörgu Líf og Sigurði Dan.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...n_20_953829
  • ...n_20_953803
  • ...uga_born_20

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband