BÍL og Snorri í Betel

Það heyrðist ekki mikið í BÍL til stuðnings Snorra í Betel þegar honum var sagt upp störfum á dögunum fyrir að tjá sig, enda Snorri kannski ekki meðlimur í kaffi latte listamanna-elítunni í 101. Ekki komu heldur fulltrúar kennarasambandsins fram Snorra til stuðnings og það sem verst er hans eigin trúbræður..

Á sama tíma og sódómískar skrúðgöngur með draghörpuslætti er sýndur sómi, vex and-kristni á Íslandi. Risið er upp gegn öllu því sem heitir Guð og helgur dómur. Þetta lýsir best hversu umræðan er hlutdræg og öfugsnúin. Allt er öfugt að verða í þessu þjóðfélagi. Gott er illt og illt er gott, ljós er myrkur og myrkur ljós.

Ef einhver vitnar í Orð Guðs og Heilagar Ritningar er hann fordómafullur öfgamaður með haturfullan boðskap. En ef uppreisnar pönk píur í Rússlandi haga sér með ósæmandi hætti og kalla meðvitandi yfir sig ákærur, rísa upp áhyggjufullir anarkistar á Íslandi til stuðnings systrum sínum og vilja þær lausar úr haldi. Á sama tíma líður saklaust fólk um heim allan í járngreipum öfgafullra uppreisnarmanna og blóði fórnarlamba er úthellt daglega. Fyrir hverja eru mannréttindi?


mbl.is Vilja Pussy Riot lausar úr haldi
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Þú verður að gera betur en þetta.. þetta eru ekki sambærileg mál.
Að auki þá er biblían ekki orð guðs, hún er skrifuð af ótal mönnum yfir þúsunidr ára.. enginn veit með vissu hver stendur á bakvið hvað..  að auki, enginn gögn eru til utan biblíu um þennan messías ykkar.
Ég mundi ráðleggja þér að fara út fyrir trúarhópinn þinn og leita þér gagna um biblíu og tilurð hennar.. því þú sjálfur varðst fyrir árás þegar einhverjir seldu þér að biblían væri sönn.. að guðinn hennar væri til; biblían er ekkert nema pólitískt tól.. ég trúi að þú viljir vera heiðarlegur við sjálfan þig og kynna þér þessi mál vel og vandlega.. þú bara vilt ekki annað.
Peace

DoctorE (IP-tala skráð) 15.8.2012 kl. 07:40

2 Smámynd: Jón Valur Jensson

Gervidoktorinn bullar hér út í eitt um Biblíuna eftir ágætan pistil Óskars.

Biblían hafnar því ekki, að hún sé skrifuð af mörgum mönnum á löngum tíma, en hins vegar kemur það fram þar, að hún flytur samt orð Guðs líka; þetta eru menn sem vaktir voru til vitundar og kallaðir til vitnisburðar af Heilögum Anda. "Guð talaði fyrrum oftsinnis og með mörgu móti til feðranna fyrir munn spámannanna. En nú í lok þessara daga hefur hann til okkar talað í syni sínum sem hann setti erfingja allra hluta." (Hebreabréfið, 1.1-2.)

Jón Valur Jensson, 15.8.2012 kl. 09:16

3 identicon

JVJ, einn sá óheiðarlegasti; Hann veit vel að ég segi satt og rétt frá, hann veit vel að stórir hlutar biblíu eru skrifðir af mönnum sem enginn veit deili á.. hann veit vel að flest ef ekki öll meint kraftaverk Jesú voru seinni tíma tilbúningur, settur í biblíu hundruðum ára eftir meint líf Jesú.

Auðvitað eiga allir sem kalla sig trúaða að sækja sér gögn, ekki bara trúa einhverju vegna þess að biblían segir það... Ein frægasta setning biblíu; Sá yðar sem syndlaus er... sett in hundruðum ára síðar, af einhverjum sem var að þýða biblíu.. svona tóku menn sér skáldaleyfi út í eitt.
Óskar og aðrir sem segjast trúa.. hljóta að vilja vera eins vissir og mögulegt er.. ekki satt; Menn hljótað að vilja vera heiðarlegir við sjálfan sig og leita staðfestingar.. ekki bara einhverja tilfinningavellu..! 

DoctorE (IP-tala skráð) 15.8.2012 kl. 09:42

4 Smámynd: Jón Valur Jensson

Enginn veit, hver gervidoktorinn er, samt vill hann láta taka mark á sér.

Af hverju ættu menn að treysta orðum hans?

Mikill meirihluti höfunda Biblíunnar er þekktur með nafni. Ýmis ritin eins og Mósebækur voru í umsjá fleiri manna en eins eða tveggja, en vitað um þá á ritunartímanum og þeim treyst til verksins.

Ýmis sagnarit okkar frá þjóðveldisöld eru fyllilega marktæk, þótt höfundar þeirra séu ekki lengur þekktir með nafni.

Jón Valur Jensson, 15.8.2012 kl. 11:20

5 identicon

Var ég að biðja einhvern um að treysta orðum mínum?.. nei, ég sagði við Óskar að leita útfyrir trúarhópinn, leita sér upplýsinga.

Ef hann gerir þetta, gerir þetta vel, þá mun hann komast að þeirri niðurstöðu að Biblían og þar með trú hans er algerlega manngerð frá a-ö... Spurningin er bara, verður hann jafnmikill hræsnari og þú sem veist vel að þetta eru falsanir.. það er kallað að svíkja sjálfan sig

DoctorE (IP-tala skráð) 15.8.2012 kl. 15:25

6 Smámynd: Óskar Sigurðsson

Sérhver Ritning er innblásin af Guði, og er nytsöm til fræðslu, umvöndunar, leiðréttingar og menntunar í réttlæti. Til þess að sá sem tilheyrir Guði sé albúinn hæfur gjör til sérhvers góðs verks. 2. Tim. 3:16-17.

Skrifuð af mönnum, innblásin af Guði. Það er undur eitt að þessar 66 bækur hafi ratað saman í eina bók. Þar sem þær allar eru skrifaðar af ólíkum mönnum á ólíkum tímum, á misjöfnum stöðum, við ólíkar aðstæður. Við ritniguna er engu að bæta og ekkert af að taka. Þar eru engar rangfærslur, né mótsagnir heldur allt ráð Guðs til mannannabarna. hver bókin styður aðra og útskýrir. Án GT er NT gagnslaust og öfugt. Ég get bent á margar undraverðar staðreyndir um Sannleiksgildi Heilagrar Ritningar. Hún er eins og púsluspil, þúsundir púsla sem verða að raðast rétt saman til að fá heildarmyndinna. En þetta er hulið þeim sem ætla sig hyggna í eigin hjarta en opinberðað smælingjum, þeim er trúa.   

Óskar Sigurðsson, 15.8.2012 kl. 15:28

7 identicon

Hvers vegna hafði þessi meinti guð sömu þekkingu og menn sem voru uppi á þessum tíma..
Ef biblían er innblásin af guði.. hvers vegna eru hún svona vitlaus... hvers vegna að skrifa bók sem er auðfalsanleg.. og það besta af öllu, upprunalegt eintak af biblíu er ekki til.. það er ekki nokkur leið fyrir neinn að vita hvað raunverulega stóð í henni.
Spáðu í því að meintu guð hafði fyrir því að láta skrifa bók sem síðan glataðist.. hljómar mjög heimskulega.. það hlýtur að vera guðlast að eiga guði þetta rugl

DoctorE (IP-tala skráð) 15.8.2012 kl. 16:29

8 Smámynd: Jón Valur Jensson

Þú ruglar, gervidoktor.

Jón Valur Jensson, 15.8.2012 kl. 18:59

9 identicon

DoctorE (bóla?)

Segir:

.. hvers vegna eru hún svona vitlaus... hvers vegna að skrifa bók sem er auðfalsanleg.. og það besta af öllu, upprunalegt eintak af biblíu er ekki til.. það er ekki nokkur leið fyrir neinn að vita hvað raunverulega stóð í henni.

Svarið við fyrstu spurningunni gæti verið: hún er svona vitlaus til að þú gerir skilið hana! Auðfalsanleg: Til að þú getir haft eftir það sem hún segir! Upprunalega eintakið ekki til?: Af því það var notað og lesið, bækur slitna við notkun. Handritin voru "afrituð" t.d. eins og vitað er með Qumran starfsemina við Dauðahafið. Hvað raunverulega stóð í henni? Jú, fornu handritin sem seinna voru sett saman í Biblíuna eru til, mun eldri en fyrsta Biblían og hægt er að bera saman fornu handritin við nútíma Biblíuna og sjá hvað hin helga bók hefur að segja.

snorri (IP-tala skráð) 16.8.2012 kl. 20:34

10 Smámynd: Óskar Sigurðsson

Kraftur Orðsins er slíkur að hann breytir lífi einstaklinga og heilu samfélaganna, viðhorfum og skoðunum. Leiðir menn og konur úr fjötrum vímuefna, glæpa og annarra synda. Víða um heim er fólk að finna hamingju og frið vegna þess að það tók mark á Orðum Ritningarinnar.

Frelsi og velferð vesturlanda, réttindi kvenna og samkennd er meitlað í kynslóðir vegna trúar á Heilagt Orð Guðs jafnvel þeir sem ekki trúa fá það í arf. Þetta getur engin önnur bók gert eða hefur. Því í henni lifir Andi hins Almáttka. Þó svo maðurinn mengi það og breyti kemst þó til skila kjarni boðskapsins. Jesús Kristur er Sonur Guðs.

" Því Orð Guðs er lifandi og kröftugt og beittara hverju tvíeggjuðu sverði og smýgur inní innstu fylgsni sálar, anda liðamóta og mergjar. Það dæmir hugsanir og hugrenningar hjartans. "

Óskar Sigurðsson, 17.8.2012 kl. 16:33

11 Smámynd: Óskar Arnórsson

Það er rétt að Orð Guðs er kröftug og lifandi. Þeir sem halda að það hafi eitthvað með Biblúna að gera, hafa engan skilning á Guði og sjaldnast tengir Honum af neinu viti. Biblíudýrkun er skurðgoðadýrkun af verstu sort og fólk aftengist Guði ef eitthvað er.

Biblian er bók og ekki Guð. Sú hún lesin með hugarfari nafna míns hérna og JVJ, þá verður árangurinn bara heilaþvottur og leikaraskapur og ekkert samband við Guð.

Óskar Arnórsson, 21.8.2012 kl. 00:05

12 Smámynd: Jón Valur Jensson

Biblían er ekki Guð, en hún flytur og færir okkur Krist, heimildirnar um hann, og dýrmætari bók er ekki til. Biblían flytur okkur ekki aðeins boðskap Guðs, heldur opinberar okkur margt um veru hans, um hver hann er, um að hann er einn guð í alheimi, um allsvaldandi mátt hans, um sköpunarverk hans og um ætlun hans með okkur mennina : um köllun okkar til þjónustu og um fyrirheiti eilífs lífs og hvernig hann hefur fylgt lýð sínum, verndað og leitt --- og margt, ótal margt annað!

Gerðu því ekki lítið úr gildi Biblíunnar, góði Óskar Arnórsson!

Jón Valur Jensson, 21.8.2012 kl. 00:21

13 Smámynd: Óskar Arnórsson

Ég geri aldrei lítið úr neinni bók JVJ. Enn allt of margir gera lítið úr sjálfum sér með því dýrka og trúa á bókina sjálfa JVJ. Þú veist mína skoðun á fólki sem tekur textan úr Biblíunni og notar þann hluta sem því hentar best til að vitna í sem heilagan sannleika. Sem það er alls ekki.

Meðferðin á því sem stendur í Biblínnu lýsir lesandanum betur enn nokkurtíma hvað Guð er JVJ og þú ættir að vera svo viti borin að þú skiljir það. Þú ert ekki þess megnugur að kenna neitt um Guð JVJ. Ættir frekar að hvetja fólk að skoða málið sjálft.

Predikanir og önnur vitleysa er ekki af hinu góða og verður aldrei. Kirkjan er ekki að standa sig og þess vegna þarf algjörlega nýjar leiðir til að flytja boðskap Guðs. Það verður aldrei gert með því að blaðra um Biblíunna og trúa því að þá sé maður að vitna í eitthvað heilagt.

Kirkjan er samfélagslegt vandamál og hefur verið alla tíð. Málið er að heilaþvotturinn er svo öflugur, að gott fólk sem er fullt af, trúir þessari kirkjupólitík sem einhverju heilögu og þess vegna er það staðnað í andlegum þroska sem er aðalleiðin í áttina að Guði. Ég segi þetta þó ég viti nákvæmlega það sem þér finnst um þetta.

Fólki var kennt í gamla daga að jörðin væri flöt og það var stóri sannleikurinn sem t.o.m kirkjan varði með kjafti og klóm. Kirkjunni hentar ekki að leita sannleikans. Ég held að vandamálið sé andleg leti og hún er stórt vandamál innan kirkjunar. Ég tala um kirjuna sem stofnun sem fólk þorir ekki að breyta vegnu yfirgangs og frekju neikvæðustu afla hennar. þú tilheyrir því fólki JVJ. Eins klár þú annars ert á mörgum öðrum sviðum.

Virkileg synd.

Óskar Arnórsson, 21.8.2012 kl. 07:49

14 Smámynd: Jón Valur Jensson

Kirkjan hefur aldrei kennt það að jörðin væri flöt, Óskar Arnórsson minn.

Hér þarftu sjálfur að uppfæra þig til nútímaþekkingar.

Og það er engin andleg leti ríkjandi í kaþólsku kirkjunni.

Og vitaskuld er það ekki rétt, að frumkirkjan hafi verið samfélagslegt vandamál.

(Svo að ég svari nú bara í flýti fáeinu af þessu, þótt þú meinir eflaust vel.)

Jón Valur Jensson, 22.8.2012 kl. 01:07

15 Smámynd: Óskar Arnórsson

Elsku vinur JVJ! Ég er viss um að þú meinar vel og trúir því sem þú trúir. Enn ég skal leiðrétta þig og þekkingu þína. Það var kristna kirkjan og sérílagi Kaðólska kirkjan með andlega illa á sig komin Páfa sem ég man ekki nafnið á. Á þeim tíma (1632) gaf Galileo út bók sem fór verulega í taugarnar á kristnu kirkjunni og sérílagi Vatikaninu.

Gæðablóðið Urban VIII sá aumur á Galileo og með því að fá hann til að sverja að jörðin væri flöt og stæði kjur sem miðjan í alheimi, breytti hann líflátsdómi Galileo í lífstíðarstofufangelsi. maður tekur ekki af lífi geðveikt fólk eins og Galileo var samkvæmt Páfans skilningi á þeim tíma. Það var ekki fyrr enn 1992 sem Vatikanið baðst afsökunar +a þessu eftir mikin þrýsing, og árið 2000 tóku þeir dóminn tilbaka eða ógiltu hann.

Svo minni ég á helvítiseldanna sem myndu steikja nýfædd börn sem ekki náðu að skírast áður enn þau dóu. Skírn kostaði mikla peninga á þessum tíma og þetta var var aðferð til að þvinga peninga úr fátæklingum. Og virkar ágætlega enn þann dag í dag.

Vatikanið á sér þess vegna blóði drifna sögu, þeir einangra sig frá náttúrulögmálunum, jarðneskum sem andlegum, og Guði að sjálfsögðu, með að lifa í fantasíuveröld og ranghugmyndaheimi. Þessi hrikalegi heimur Vatikansins sérstaklega og trúarbragða yfirleitt er vandamál sem framtíðarfólkið á eftir að gapa yfir og hrjósa hugur yfir.

Eiginlega standa trúarbrögð fyrir þeirri mestu andlegu villimennsu sem hægt er að ímynda sér. Þeir eru enn að hrekja út illa anda og standa í allskonar stórhættulegu kukli. Fyrir pening að sjálfsögðu.

Enda hafa menn sem hafa sloppið úr þessum vítahring trúarbragðana og náð sér þolanlega, að þetta sé eins og "vakandi martröð", lúmskar kenningar um hefnd og reiði Guðs á "syndum" sem skýrðar eru út´með einfaldri og trúlegri rökleysu og sálfræði-trixum.

Þessum áhrifum ná trúarbrögð eingöngu með að halda fólki í þekkingarleysi um hvað ótta & hræðsluástand er yfirleitt með því að minna á "syndina" sem er ekkert annað enn samviskan sjálf sem allir hafa. Og á þennan lævísa hátt hafa trúarbrögð náð neikvæðum og hættulegum tökum á hugum fólks og Vatikanið hefur verið duglegt í þessari iðju.

Það er sorglegt þegar fólk sem gæti verið fullt af frískri þekkingu, er með eiginleika eins og þú JVJ, en fórnar sér og anda sínum undir kenningar sem hvorki heldur vatni eða vindi.

Þú meinar eflaust vel JVJ, ég efast ekkert um það.

Enn gerðu sjálfum þér þann greiða að nota þá eiginleika sem Guð gaf þér og "vakna upp" úr þessu andlega fangelsi sem trúarbrögð eru og skoða afstöðu þína til Guðs upp á nýtt.

Frumkirkjan var upphafið af geigvænlegusta samfélagsvandamáli allra tíma, svo öflugu að þessi gerfiheimur varð til í hugum fólks og er til enn þann dag í dag.

Það er bara þekking sem vinnur á þessu. Og þá þekkingu hefur þú ekki enn JVJ. Þú ættir að stúdera þetta og þá er aldrei að vita nema þú getir frelsast frá þessum blekkingarvef trúarbragðanna. Þú gætir kanski orðið hamingjusamur og ánægð manneskja.

Það styður þig engin nema sá sem einnig fastur í sömu hugarflækju. Þekking þín á Biblíu og "sögu" í þessum fræðum er gagnslaus og er bara "hégómi og eftirsókn eftir vindi" eins og stendur einhverstaðar...skaffaðu þér heldur þekkingu um Guð sjájfan og sjá hvað skeður... ;)

Óskar Arnórsson, 22.8.2012 kl. 18:28

16 Smámynd: Jón Valur Jensson

Þú ferð hér mikinn, Óskar Arnórsson, en tekur þó ekki í reynd nema á tveimur málum: flatjarðarkenningunni og ert þar í sömu súpunni og Hjörtur Magni Jóhannsson Fríkirkjuprestur, hvers fáfræði á þessu sviði var afhjúpuð fyrir nokkrum árum -- og ef þú lest Heimsmynd á hverfanda hveli eftir frænda minn dr. Þorstein Vilhjálmsson eðlisfræðiprófessor, þá sérðu fljótt í köflunum um Galileo og fyrr, að þú ferð með algert fleipur um það, að þessi flatjarðarhugmynd hafi verið kenning kaþólsku kirkjunnar. Hún var það aldrei, og lestu þær bækur hans!

Hitt málið er örlög óskírðra barna. Þar hefur kaþólska kirkjan verið með miklu mildari kenningu en Lúther og hans lærisveinar. Limbo infantorum eða náttúrlegt (ekki yfirnáttúrlegt) sæluástand óskírðra, dáinna barna var kenning sem prótestantar höfnuðu, en átti sér skjól í skrifum kaþólskrar guðfræði.

Þú þarft því að kynna þér margt, áður en þú gengur hér lengra í fullyrðingum út frá þínum eigin gömlu skoðunum, Óskar minn.

Jón Valur Jensson, 22.8.2012 kl. 19:36

17 Smámynd: Óskar Arnórsson

Það sem þú kallar þekkingu á þessum málum kalla ég ekki fleipur JVJ. Ég kalla það þekkingarleysi þitt. Og þú gefur skýringunna sjálfur. Á hverju var þá kaðólska kirkjan að biðjast afsökunar? Um hvað var málið þegar Vatikanið ógildir dóm? Þú tala sjálfan þig um koll kallinn minn...

"Þú þarft því að kynna þér margt, áður en þú gengur hér lengra í fullyrðingum út frá þínum eigin eldgömlu og kolröndu kenninum, JVJ minn gæti ég sagt með réttu"

Alla vega þær kenningar sem þú verð með kjafi og klóm og "þekkingu" er að sanna sig að vera tóm vitleysa. Eðli þessarar afneitunnar sem þú ert í á staðreyndir og heilbrigða skynsemi gagnvart Guði er ekkert nýtt fyrir mér, Og eiginlega bara sorglegt fyrir þig persónulega JVJ.

Ég er ekki í neinni súpu JVJ vegna fáfræði um Guð og þú veist það. Það er bara nonsens og pínlegur fyrirsláttur, sem þú reyndar ert verulega góður í.

Það sem þú ert aftur á móti lélegur í, er að hugsa beint, hugsa rökrétt. Trúarfangelsið þitt kemur í veg fyrir það og þú ert ekki sá eini sem er þar.

Ég hef ekki lesið bókina hans frænda þinn og ég er ekki í neinni keppni við þig JVJ um þetta. Sama hvernig þú styður fullyrðingar þína, þá verða fullyrðingar þínar alltaf byggðar á sandi þekkingar sem reyndust vera kolrangar....

Óskar Arnórsson, 22.8.2012 kl. 22:33

18 Smámynd: Jón Valur Jensson

Þetta eru mjög stór orð af þinni hálfu að lítt athuguðu máli þínu, Óskar minn, en ég á hisn vegar tiltölulega auðvelt með að hugsa rökrétt með hliðsjón af góðum upplýsingum. Galileo var EKKI að glíma við flatjarðartheoríuna, þú þarft að losa þig við þá efnisvillu þína.

Jón Valur Jensson, 22.8.2012 kl. 23:35

19 Smámynd: Jón Valur Jensson

Svo gætirðu, ÓA, reynt að skoða þetta eldra skrif mitt, sem orðið er (ótrúlegt!) fimm ára og tveggja mánaða rúmra:

Ástæða er til að vekja athygli á snjallri grein eftir Ólaf Hauk Árnason, þar sem hann, að séð verður, hrekur fullyrðingar Fríkirkjuprestsins við Tjörnina með svo afgerandi hætti, að sá á sér naumast uppreisnar von á því fræðasviði sem hann hafði ruðzt inn á af næsta lítilli fyrirhyggju. Þetta verður mönnum fullljóst við lestur greinar Ólafs Hauks í Fréttablaðinu í gær (og á Vísir.is), en einnig er hana o.fl. greinar og gögn, sem að þessu lúta, að finna á Moggabloggi hans.

Fákunnandi menn um sögu kirkjunnar hafa stundum fullyrt að hún hafi kennt það hér áður fyrr, að jörðin væri flöt. Hef ég nokkrum sinnum þurft að reka það ofan í menn, og það sama gerir próf. Þorsteinn Vilhjálmsson frændi minn í 2ja binda ritverki sínuHeimsmynd á hverfanda hveli, en hann er sérfræðingur í sögu vísindanna. Séra Hjörtur Magni gekk þó flestum lengra, er hann hélt því fram í Fréttablaðinu, að það sé "ekki svo ýkja langt síðan að kirkjustofnunin refsaði grimmilega öllum þeim sem drógu það í efa að jörðin væri flöt."

Flöt er sýn Fríkirkjuprestsins á kaþólsku kirkjuna, því að aldrei kenndi kirkjan þessa vitlausu flatjarðarsýn, og þaðan af síður refsaði hún mönnum fyrir að halda öðru fram! Það var vel kunnugt á meðal kirkjunnar manna á miðöldum, að jörðin er hnöttótt. En nú hefur Hjörtur Magni verið tekinn í bakaríið af bráðefnilegum sagnfræðinema, sem hefur líka frá ýmsu fleira að segja (m.a. um guðfræðinginn og dulúðarmanninn mikla, meistara Eckhardt) í greinum sínum ágætum -- sem ég vísa hér með á. Ólafur Haukur gefur mönnum færi á samanburði skrifa sinna og prestsins með því að gefa tengla á skrif Hjartar Magna, og lýsir það opnum anda og sanngjörnum. Einnig er unnt að skrifa þar athugasemdir á vef hans.

Ef þú vilt kynna þér meiri umræðu um þetta á sömu vefslóð, smelltu þá á greinarfyrirsögn mína hér ofar. 

Jón Valur Jensson, 22.8.2012 kl. 23:41

20 Smámynd: Jón Valur Jensson

Svo máttu athuga þennan texta hjá dr. Þorsteini Vilhjálmssyni í bók hans, Heimsmynd á hverfanda hveli, I, s. 147:

"Áður en lengra er haldið, ætla ég að leiðrétta grundvallarmisskilning sem ég hef sjálfur verið haldinn af. Ég á við þá ranghugmynd sem er líkasttil útbreidd meðal nútímamanna, að það hafi verið almenn skoðun lengi fram eftir öldum að jörðin væri flöt, trúlegast eins og pönnukaka. Menn halda þá kannski að þessari skoðun hafi ekki verið hnekkt fyrr en með frægum og frækilegum ferðum Kólumbusar og Magellans. -- Þetta er hins vegar misskilningur. Þegar Kólumbus ætlaði að stytta sér leið til Indlands með því að sigla í vesturátt, hafði upplýstum mönnum verið ljóst um árþúsundir að jörðin væri kúlulaga. Og það var ekki tilhæfulaus hugdetta, heldur hugmynd sem studdist við raunhæfar athuganir, og skorti nánast það eitt á að menn hefðu hreinlega farið kringum kúluna (sjá töflu 10 til yfirlits) ..."

(Sbr. einnig þetta á netinu: þessa vefslóð mína og þó enn frekar þessa vefslóð mína; einnig þessa hjá Ólafi Hauki Árnasyni sagnfræðinema og þessa hjá sama).

Jón Valur Jensson, 23.8.2012 kl. 00:02

21 Smámynd: Jón Valur Jensson

Vefslóðir mínar þarna undir lokin reyndust rangar --- en réttar hér:

(Sbr. einnig þetta á netinu: þessa vefslóð mína og þó enn frekar þessa vefslóð mína ...).

Jón Valur Jensson, 23.8.2012 kl. 00:06

22 Smámynd: Óskar Arnórsson

Stundum held ég að þú sért bara að grínast JVJ! Þú rökræðir um þessi mál eins snillingarnir sem afneita næstum öllu sem skeði í seinni heimstyrjöldinni.

Það fer þér illa JVJ sem ert með ágætlega lipra greind, að verja illa gefna presta og hálfgeggjaða Páfa í fornöld bara af því að þeir tilheyra sömu kirkju og þú í dag. Kirkjan og sérstaklega Vatikanið er sekt um svívirðilega glæpi langt aftur í aldir og það gerir fólk forheimskt og marklaust sem neitar þvíí dag.

Mest pínlegt er þegar þú hrósar sigri yfir einhverjum í sk, rökræðu om ekkert sem skiptir stóru máli. Þú hikar ekki við að breyta staðreyndum og trúir að nógu mikið málæði og nógu margar tilvitnanir séu röksemdarfærsla.

Og þegar fólk gefst upp á að tala við þig, sem margir gera, um nokkurn skapaðan hlut, þá upplifir þú það eins og þú hafir sigrað í einhverri keppni og þar með staðfestir þú sjálfur eigin ranghugmyndafræði.

Alla vega JVJ, áttu að losa þig úr þessari hugarfarslegu ánauð Kaðólsku kirkjunar sem þú ert greinilega í og nota eiginleika þína í allt aðra og gagnlegri hluti.

T.d. ef ég hermi eftir yfirlætislegum og hrokafullum málflutningi þínum eins og...

"Þetta eru mjög stór orð af þinni hálfu að lítt athuguðu máli þínu, Óskar minn, en ég á hins vegar tiltölulega auðvelt með að hugsa rökrétt með hliðsjón af góðum upplýsingum. Galileo var EKKI að glíma við flatjarðartheoríuna, þú þarft að losa þig við þá efnisvillu þína."

Til og með þessar litlu einföldu settningar nægja til þess að fólk með smáþekkingu, smávit og bara pínulitin þroska, hristir hausinn og yfirgefur samræðunna. Þú ferð oft á tíðum með rangt mál JVJ, tilvitnanir þínar passa ekki efninu nema eftir mjög langsóttum vegum, og "rökfræðin" er bara rökfræði í þínum huga.

Ég veit ekki hvort þú hafir skilning yfirleitt á því sem ég er að segja, enn óhugnaðurinn sem felst í heilaþvætti trúarbragða (sem ég trúi að þú stjórnis af) verður skírari og skírari eftir því sem tímin líður. Áhrifin eru lúmsk og er viðhaldið með flóknum vefi afneitunar á staðreyndum og í nafni trúar sinnar.

Þegar fólk er langt leitt í þessu, hættir það algjörlega að hlusta á aðra,,,

Óskar Arnórsson, 25.8.2012 kl. 05:24

23 Smámynd: Jón Valur Jensson

Ekki nenni ég að fara í saumana á þessu ábúðarmikla fullyrðinga-innleggi þínu, Óskar Arnórsson, en spyr þig einfaldlega: Er það í alvöru ennþá fullyrðing þín, að Galileo hafi gengið það helzt til að afsanna einhverja flatjarðarkenningu sem þú eignar kaþólsku kirkjunni? Ef vísindasaga Þorsteins Vilhjálmssonar, sem fjallar ýtarlega um Galileo, er þér ekki innan handar erlendis, geturðu þá ekki reynt að nálgast einhverja aðra í bókasafni þar?

Jón Valur Jensson, 25.8.2012 kl. 10:41

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Óskar Sigurðsson

Höfundur

Óskar Sigurðsson
Óskar Sigurðsson

Óskar Sigurðsson er fæddur í Vestmannaeyjum 23.júlí 1971. Ég er búsettur í Vestmannaeyjum ásamt eiginkonu minni Gunnlaugu R Sigurðardóttur og börnunum Benjamín Elí, Sigurbjörgu Líf og Sigurði Dan.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...n_20_953829
  • ...n_20_953803
  • ...uga_born_20

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband