Biskup sé maður fastheldinn við hið áreiðanlega orð.

Agnes telur það stóran áfanga fyrir kirkjuna að nú muni kona gegna embætti biskups.. Hvers vegna spyr ég? Stór áfangi í hvaða máli? skiptir að kona gegni þessu embætti frekar en Karl? Það er eins og kirkjan sé í stríði við Guð sjálfan. Er tilgangur kirkjunnar ekki skýr frá upphafi, þ.e. að breiða út fagnaðarboðskapinn um Jesú Krist, að allir menn komist til iðrunnar og þekkingar á Sannleikanum.

Agnesar fyrsta verk er að tala við fólkið og hlusta á það...þetta voru fyrstu mistök Adams og Evu, að hlusta á hið skapaða í stað Skaparans, eins leitaði Pílatus ráða varðandi Jesú og Barrabas hjá óstöðugum fjöldanum um hvað gera ætti.

Er ekki réttara að leita Hans vilja, álits og ráðs og hvað Hann hefur til málanna að leggja fyrst áður enn annað er leitað? Nei, það virðist ekki skipta máli hvað Guði finnst eða hvað Heilög Ritning kennir. " Mér finnst " og " ég tel " guðfræðin ræður. En Biskup á að vera " maður " fastheldinn við hið áreiðanlega orð, hann á líka að vera einkvæntur..Kirkjan á að snúast um Guð en ekki kirkjan um fólkið.

Hins vegar er ekki rangt að hlusta á hróp fólksins, jafnvel má heyra röddu Guðs af munni fallins manns og ráð Hans finna af tungu hinna snauðu og vesælu. " en leitið fyrst ríkis Hans og réttlætis, þá mun allt annað veitast yður að auki."

„Stór áfangi fyrir kirkjuna“

Athugasemdir

[AF (IP-tala skráð) 26.4.2012 kl. 09:24]

Við skulum nú ekki skjóta hana Agnesi niður strax.  Ég er sammála því að auðvitað þarf leiðtogi í kristinni kirkju að leita fyrst Guðs ríkis og hans réttlætis og leita leiðsagnar í Orði Guðs og með bæn... en...

"¹⁵Afglapanum finnst sinn vegur réttur, en vitur maður hlýðir á ráð." Orðskviðir 12.15

Í fyrsta lagi skiptir það máli hjá hverjum við leitum ráða og í öðru lagi þá þarf að bera ráðin saman við það sem Orð Guðs segir.

Ég veit lítið sem ekkert um hana Agnesi, en við skulum nú byrja á að biðja fyrir henni og vonast eftir að hún sé starfi sínu vaxin áður en við tökum hana af lífi... hún er nú ekki einu sinni byrjuð í nýju vinnunni sinni.

[Óskar Sigurðsson, 26.4.2012 kl. 14:04]

AF...Ekki tók ég hana af lífi er það? Ég veit lítið sem ekkert um hana sjálfur enda beintist pistill minn ekki persónulega gegn henni ef rétt er lesið. Þakka þér gott innlegg hjá þér engu að síður.

 AF..stendur það fyrir Alex Ferguson?