" Fégirndin er rót alls þess sem illt er "

Heilög Ritning segir " Fégirndin er rót alls þess sem illt er " Fégirndin býr í öllum mönnum. Íslenska bankahrunið er ekki sköpun heldur afleiðing græðginnar. En hugmyndafræðin á bak við hrunið er lævíst ráðabrugg hugspilltra manna sem þverskölluðust við Orðum Biblíunnar. Guð blessaði Ísland, tók í taumana og alfeiðingin var hrun.       
mbl.is Bankahrunið skapað af körlum
Tilkynna um óviðeigandi tengingu við frétt

Elliði hlaut Mar eftir tæklingu

Málflutningur Grétars Mar í Bítinu á Bylgjunni í morgun bar vott um vonsvikinn pólitíkus sem hefur mistekist að ná eyrum almennings með málflutningi sínum. Í stað þess að hrekja mál Elliða með rökum tæklaði hann persónu Bæjarstjórans harkalega sem marðist lítillega en bar þó sigur úr Bítinu. Flokkur Grétars hefur svo gott sem þurrkast út af landakorti stjórnmálanna þrátt fyrir að þeir hafi barist fyrir mörgum ágætis málaflokkum. Elliði og bæjarstjórnin í Vestmannaeyjum hafa staðið sig með mikilli prýði og unnið af einhug og heilindum að hagsmunum Vestamannaeyja, meðan Grétar virðist vera orðin vinstri bak-vörður.

Kæri Jón Sigurðsson

Unglingar í 8. bekk grunnskólans í Vestmannaeyjum fengu það verkefni að skrifa hr. Jóni Sigurðssyni fyrrum forseta lýðveldisins bréf um ástandið á Íslandi eins og það kemur fyrir í dag. Einn þeirra skrifaði svo...

Kæri Jón Sigurðsson.

Þú varst góður maður og barðist fyrir sjálfstæði okkar Íslendinga. En því miður er allt í rassgati á Íslandi í dag. Ríkisstjórnin er búin að drulla uppá bak og vinstri grænir eru að breyta landinu í kommúnistaríki. Það væri betra ef þú værir ennþá lifandi. Þú myndir örugglega hjálpa okkur út úr þessum vandræðum, annað en þau Steingrímur J. og Jóhanna Sigurðardóttir. Ég veit ekki mikið um þig en þú ert örugglega geðveikt frægur því þú ert á 500kr seðlinum. 

Kær kveðja

Nemandi Grunnskólans í Vestmannaeyjum.


Málæði Ögmundar

Vissulega er Ögmundur ánægður með málfrelsi á Íslandi, enda hefur hann verið munnhvatur í gegnum tíðina og sjaldan haft taumhald á tungu sinni, eins og sannur vinstrimaður. En þeir eru meira fyrir að tala en gera. Enn munnfleiprið eitt er ekki næg ráðagerð til þess sem Ísland þarf. Enn og aftur opinberast sá andi sem býr í þessari ríkistjórn, engin sátt né friður.     
 
" Málæðinu fylgja yfirsjónir en sá breytir hyggilega sem hefur taumhald á tungu sinni. "

mbl.is „Sem betur fer er málfrelsi á Íslandi“
Tilkynna um óviðeigandi tengingu við frétt

Stóra Bretland óttast litla prest

 " Talsmaður innanríkisráðuneytisins í Bretlandi benti á að ríkisstjórnin væri andvíg hvers konar öfgastefnum." Hvað? Bretar bjóða öfgaíslam velkomin en meina litlum presti frá Florida að koma til landsins. Bretar eru í fjötrum öfgaíslam eins og Biderman var með brennuvargana. 


mbl.is Öfgapresti ekki hleypt inn
Tilkynna um óviðeigandi tengingu við frétt

Samtíma siðferði

Að lag sem þetta sé bannað því texti þess þykir móðgandi við samkynhneigða er hreint  með ólíkindum og dæmigert fyrir samtíma siðferði. Ekki hvet ég til eineltis eða niðrandi söngva gegn fólki sem ekki ratar réttan veg. Þótt svo textar margra flytjanda rífi niður allt sem heitir Guð og helgur dómur, hæðist að Jesú Kristi og náðarverki Hans, hvetji til frjálsra ásta og kvennfyrirlytningar þykir mönnum það allt í lagi og fátt heyrist um boð eða bönn á slíkum lögum.         


mbl.is 25 ára gamalt lag bannað
Tilkynna um óviðeigandi tengingu við frétt

VG orka

Nú er reynir á hvort orka sé í vinstrimönnum til að vera samkvæmir sjálfum sér, annars hafa undirskriftir og fjöldamótmæli ekki skipt þá miklu hingað til, bara stóllinn...
mbl.is Björk afhenti undirskriftir
Tilkynna um óviðeigandi tengingu við frétt

Moska í Reykjavík?

Islam dreifir sér um Evrópu eins og tölvuvírus. Árið 1924 var fyrsta moskan byggð í London. Nú eru á Englandi 600 moskur og 1400 íslamskar óreglur. Sódóma-Reykjavík er nú að gera sig tilbúna í að taka á móti einni slíkri eins hún opnar sig fyrir hverri skömminni eftir annarri í nafni umburðalyndis. Menn skilja ekki það afl og hugmyndafræði sem býr í íslam þó svo dæmi þess og hættur séu hvarvetna. Markmið Íslam er heimsyfirráð. Alveg eins og Jesus bauð lærisveinum sínum að gjöra allar þjóðir að lærisveinum er stefna Islam yfirráð. En hvort viljum við? Skoðum ávextina á þeim þekkjum við tréð hvort það er gott eða illt.   


Tröllatrú og Grýludýrkun

Þrettándahátíðin var haldinn með mikilli fyrirhöfn sem áður og fjöldi manns heimsótti Eyjarnar og tók þátt í helgiathöfninni ásamt heimamönnum.  En það er einkennilegt að á 21. öldinni sé litlum börnum boðið uppá ófreskjur á borð við Grýlu og Leppalúða, tröll og forynjur innan um brennivínslyktandi jólasveina. Á meðan hásætisvagn  Gýlunnar er dregin til helgiathafnarinnar öskrar hún bölvandi með tryllingslegum hætti eins og vitstola maður „ þið eruð ljótustu börn í heimi, ég ætla að sjóða ykkur í potti og éta ykkur „ og fleiri orðaleppar af þessu tagi. Sjá má grátandi börn og skelkaða krakka haldið að ófreskjunum í algjörlega óskiljanlegum tilgangi nema þá til að hræða þau og foreldra finna til drottinn-valds gegn óskapnaðinum. Þetta nær svo hámarki sínu á fórnarhæðinni í Löngulá þar sem kynjamyndum er stigin dans og sungið lof yfir tendruðu báli þeim til heiðurs. Þvílík uppákoma og þvílík skemmtun. Hvað þætti fólki ef það sæi eitthvað þessu líkt í fréttum frá Kashagzdan?   

Hér áður á öldum þegar myrkur og fáfræði var hlutskipti þjóðarinnar voru uppeldisaðferðir í samræmi við það. Lítið tillit var tekið til tilfinninga barna og oft harkalegum aðferðum beitt. Óttinn var notaður til ögunnar og hræðslan til hlýðninnar. Forynjur sem bjuggu í klettum og fjöllum hungraði í óþekk og illa klædd börn. Ólánlegir og bæklaðir sveinar gægðust á glugga, giljuðu konur, hnuppluðu mat, skapstyrðir og skelltu hurðum eða slöfruðu í sig mat með dýrslegum hætti. Nei, heiðnin hreinsaðist ekki af Íslendingum þrátt fyrir Krisintökuna og spíritisminn hefur viðhaldist eins og vírus í þjóðarsálinni þrátt fyrir skírnir og fermingar.


« Fyrri síða | Næsta síða »

Um bloggið

Óskar Sigurðsson

Höfundur

Óskar Sigurðsson
Óskar Sigurðsson

Óskar Sigurðsson er fæddur í Vestmannaeyjum 23.júlí 1971. Ég er búsettur í Vestmannaeyjum ásamt eiginkonu minni Gunnlaugu R Sigurðardóttur og börnunum Benjamín Elí, Sigurbjörgu Líf og Sigurði Dan.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • ...n_20_953829
  • ...n_20_953803
  • ...uga_born_20

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband