Guð og fjölmiðlar

Á þeim örðugu tíðum sem við lifum á hafa mennirnir gerst óforskammaðir í umræðunni um Guð og Hans Orð. Öfgafullir lastmælendur skirrast enskis í fjölmiðlum við að lastmæla Guði sínum og Skapara, án nokkurs Guðsótta og virðingar. Í stað þess að lægja sig og gefast undir Hans voldugu Hönd gerast menn harðsvíraðri enn nokkru sinni fyrr og hreykja sér upp með það eitt í huga að gera vondar hugsanir sínar kunnar. Þessir menn eru eins og skynlausar skepnur er þeir lastmæla því sem þeir þekkja ekki. Þeir setja sig upp í móti öllu sem heitir Guð og helgurdómur. Heilagri Ritningu er hvorki sýnd virðing né sómi, öllu heldur fótum troðin. Svívirðan er slík að ekki er hægt að hafa eftir það sem menn láta frá sér.

Og að þessu gera fjölmiðlar góðan róm. Þeir virðast hópa að sér öllu slíku guðleysi og fjalla svo hispurslaust um öfuguggahátt og sódómískar kynhneigðir þverbrotinna manna. Þetta er svo fyrir allra augum á tímum frétta og skemmtiþátta og eru börn og fjölskyldur óvarðar fyrir skömminni ef ekki er höfð gát á. 

Ráða og embættismenn þjóðarinnar eru jafnvel þeir sem veita forystu í slíkum efnum. Þeir leita á mála þeirra sem fótum troða mannréttindi, vilja slíta stjórnmála samstarfi við Ísrael en efla stuðning við hryðjuverkamenn, sameinast Evrópu skækjunni og gefa Bandaríkjunum langt nef. Þessir menn aðhylltust á árum áður isma og stefnur sem hélt lífum milljónum manna í gíslingu um áratuga skeið og mærðu leðitoga þeirra í riti og ræðu.     

Enn á þetta að koma okkur sem trúum óvart? Alls ekki. Þessir menn eru einmitt þeir sem láta Orð Ritningarinnar rætast. Þeir sem Biblían talar um að verði á síðustu dögum fyrir endurkomu Jesú Krists. Mönnum ætti því ekki að bregða né furða sig á þeirri stöðu sem land vort er komið í heldur snúa sér til Almáttugs Guðs og spyrja um gömlu göturnar og hver sé hamingju leiðin. 

Gefðu, að móðurmálið mitt,
minn Jesús, þess ég beiði,
frá allri villu klárt og kvitt,
krossins orð þitt út breiði
um landið hér,
til heiðurs þér,
helst mun það blessun valda,
meðan þín náð
lætur vort láð
lýði og byggðum halda.

 

 

 

 

Athugasemdir

[Jón Steinar Ragnarsson, 19.9.2010 kl. 00:56]

Vá hvað þú ert sturlaður! Mann setur hljóðan.

[Stefnir Snorra (IP-tala skráð) 21.9.2010 kl. 12:43]

Vá... þetta er alvarlegt en gott að heyra. það var löngu komin þörf fyrir svona boðskap. Best væri að útvarpa og sjónvarpa þessu. Það eru nefninlega flestir eins og háttvirtur Jón Steinar  sem setti fyrsta kommentið. Þeir horfa, en sjá þó ekki. Þeir hlusta á það sem sagt er en heyra samt ekki. Allstaðar í þjóðlífi manna blikka viðvaranir en við kærum okkur kollótt " as a blind goose in a hailstorm".